1898.godā pi ombomīšu:
Ir 1898.gods.
Akuraters roksta ailenis i Blaumaņs palaids pasaulē "Purva bridēju". Latgolys katūlim gon vēl juoraksta kirilicā drukys aizlīguma dieļ, deļ tam turpinojās rūkrakstu literaturys uzplaukums.
Bīdreibu breiveiba padara mīsta latvīšus i Latgolys katūļus par aizrauteigim bīdruošonuos pīkritiejim, aba Grafine Emma Plāters, porjamta modernūs ideju, aicynoj apkuortnis zemnīkus iz balu par gūdu "senejim laikim" . Kod 1812.godā pranči ījiema Dynaburgys cītūksni, jī īvuiceja vītejim muižnīkim breineigus dančus, kurus Emma niu grib savuiceit zemnīku mārgom.
Ombomīšu kasdīna ir taida pat, kai bejuse - izmastais audakls juoauž, kukņē juosataisa plaukteni, kur jaunūs pūdeņus sastateit, kai vysod juorauga zyrgu saganeit gona tuklu, a pūdus pīvyrt gona pylnus. Tak niu satricynoj pruotus i nervus aicynujums iz balu! Meita, kurei Reigā dora par guvernanti kaidā cīši dižcilteigā saimē, pīvaicovuse pusi Reigys iz balu. I pavaicovuse deju školuotuoju, kab saimis ļauds pasavuiceitu i gūdam varātu izstaiguot gūda sūli pi grafines.
Velcit jaunys suknis, vuicitēs vacu muzīku i VISI BRAUCIT, kur labi ļauds gaida jyus pi ombomīšu!
