1897.gads - stāsts.
24. jūlijs, 1897 pl. 18:39,
Nav komentāru
Jau gods rinčī, kod ombomīšu saime uzjēme gostus pi seve. Otkon vosora, otkon jauka dzeivuošona - bārni i cuoli pasaauguši, saiminīki gruoduoki palykuši, meitinis atbraukušys no augstajom školom i daluos jaunajuos zineibuos, študenti pa sātu slaistuos - atsapyuš piec gryutuos mīsta dzeivis i gudrejuos, par politiku pļepiņej, saiminīki dora, kas kuram daroms, īpraseitī amatnīki paleidz pi sātys.Niu otkon gaidom gostus - prīškā pogosta svātki, nu pīvess karuseļus, byus teijateris, soka i lejierkastnīks atīškys... Saimei otkon daudz dorba, meitiņom juotaisa jaunys suknis i šātis, puiši druož tauris, kab pīsadaleit kūpejā jampadracī, muzykanti i citi gativējās goda leluokojam koncertam cīmā...
